आवाज बिहिनहरुको आवाज
काभ्रेपलाञ्चोकको श्यामसुन्दर फर्निचरमा भीषण आगलागीबाट ७० वर्षीया टीकादेवी दङ्गालको मृत्यु र करिब ९० लाख रुपैयाँको क्षति भएको छ। नेपाली सेना, प्रहरी, र स्थानीयको सहयोगमा पाँचवटा दमकल प्रयोग गरी आगो नियन्त्रणमा लिइएको थियो।
नेपालमा पाँच महिनाभित्र १,११६ आगलागीका घटना भएका छन्, जसमा १६ जनाले ज्यान गुमाएका छन्। प्रहरीका अनुसार आगलागीबाट १९० घर, १३० गोठ, १ सरकारी कार्यालय र ४५५ पशुचौपायामा क्षति पुगेको छ। यसबाट करिब ५० करोड रुपैयाँको आर्थिक नोक्सानी भएको छ।
बुटवलको मिलनचोकमा रहेको डेल्टा कम्प्लेक्स बिहीबार साँझ करिब साढे ६ बजे लागेको आगलागीबाट पूर्णरुपमा क्षति भएको छ। १२ वटा दमकलले ५ घन्टापछि आगो नियन्त्रणमा लिए पनि कम्प्लेक्सका सबै तलामा रहेका सामान जलेर नष्ट भएका छन्। प्रहरीले विद्युत् सर्ट भएर आगलागी भएको आशंका गरेको छ। आगलागीका कारण बुटवलको मिलन चोकका २ पेट्रोल पम्प सहित दर्जनौ मानव बस्ती जोखिममा परेको थियो।
