आवाज बिहिनहरुको आवाज
काठमाडौं र भक्तपुरका विभिन्न स्थानमा लुटपाटमा संलग्न भएको आरोपमा नेपाली सेनाले २१ जनालाई पक्राउ गरेको छ। पक्राउ परेकामध्ये भाटभटेनी, होटल हायात, बौद्ध र राष्ट्रिय वाणिज्य बैंक लुटपाटमा संलग्न रहेको बताइएको छ।
काठमाडौँको तीनकुनेमा पूर्वराजाको समर्थनमा भएको हिंसात्मक प्रदर्शनमा संलग्न भएको आरोपमा १११ जना पक्राउ परेका छन्। तोडफोड, आगजनी, लुटपाटमा संलग्न रहेका प्रदर्शनकारी पक्राउ परेका छन् भने दुई जनाको मृत्यु भएको छ।
७० वर्षीय वृद्धको पैसा लुटेर फरार भएका ३ जनालाई सर्लाहीको बागमती नगरपालिका-१२ बाट पक्राउ गरिएको छ। पक्राउ परेका व्यक्तिहरूको साथबाट २ लाख २८ हजार ५ सय रुपैयाँ बरामद भएको छ, बाँकी रकमको अनुसन्धान जारी छ।
रौतहट प्रहरीले भारतको बिहारस्थित मोतिहारी जिल्ला पूर्वी चम्पारणका २० वर्षीय मोनुकुमार जैसवाललाई लुटपाटमा संलग्न भएको आरोपमा घरेलु कटुवा पेस्तोल र दुई राउन्ड गोलीसहित पक्राउ गरेको छ। जैसवाललाई हातहतियार तथा खरखजाना, चोरी तथा डाँका र ज्यान मार्ने उद्योग मुद्दामा अनुसन्धान भइरहेको छ। मौलापुरमा १७ लाख रुपैयाँ लुटपाटको घटनामा संलग्नता रहेको पुष्टि भएको उनी पहिल्यै पनि आपराधिक गतिविधिमा संलग्न रहँदै आएका थिए।
