प्रहरी हवल्दार मृत्यु

सिन्धुलीको फिक्कलमा आज बिहान भएको मोटरसाइकल दुर्घटनामा प्रहरी असई र हवल्दारको दुखद निधन भएको छ। दुर्घटना मोटरसाइकल अनियन्त्रित भई भएको बताइएको छ। प्रहरी चौकी रत्नावतीबाट प्रदेश ३-०२-००१ ब ४७९ नम्बरको मोटरसाइकलमा नियमित गस्तीमा खटिएका कमला नगरपालिका-९ का प्रहरी सहायक निरीक्षक (असई) रवीन्द्रकुमार ठाकुर र सोही मोटरसाइकलमा सवार भिमादनगरपालिका-७ तनहुँका प्रहरी सहायक हवल्दार सूर्यकुमार श्रेष्ठको मृत्यु भएको हो। जिल्ला प्रहरी कार्यालय सिन्धुलीका प्रमुख, प्रहरी उपरीक्षक गोविन्दराज काफ्लेका अनुसार सोल्पाडाँडाबाट गस्ती गरेर पुनः प्रहरी चौकी रत्नावतीतर्फ फर्कने क्रममा अपराह्न ४ बजे मोटरसाइकल अनियन्त्रित भएर सडकबाट ५० मिटर तल खसेको थियो। सहायक निरीक्षक ठाकुरको घटनास्थलमै मृत्यु भएको थियो भने गम्भीर घाइते हवल्दार श्रेष्ठलाई काठमाडौंको नेपाल प्रहरी अस्पतालमा ल्याइएकामा अस्पतालले मृत घोषणा गरेको थियो।