आवाज बिहिनहरुको आवाज
लालबन्दी नगरपालिकामा बनेको नवनिर्मित व्यावसायिक भवन फागुन १२ गते उद्घाटन हुने भएको छ। नगरपालिकाले विभिन्न राजनीतिक दलहरूलाई निमन्त्रणा गरिसकेको छ भने उपप्रधान तथा शहरी विकास मन्त्री प्रकाशमान सिंहले भवन उद्घाटन गर्नेछन्।
खोटाङको हलेसी बजारमा भीषण आगलागी हुँदा एक घर पूर्णरुपमा नष्ट भएको छ भने अन्य दुई घरमा क्षति पुगेको छ। आगलागी नियन्त्रणका लागि स्थानीय, प्रहरी र सुरक्षा निकाय परिचालित छन्।
गृहमन्त्री रमेश लेखकले शिक्षा ऐन छिट्टै लागू हुने बताउँदै निजी विद्यालयको सुरक्षा सरकारको प्राथमिकता रहेको स्पष्ट पार्नुभयो।
प्रतिनिधिसभाले सुरक्षित कारोबार (पहिलो संशोधन) विधेयक, २०८१ सर्वसम्मत पारित गरेको छ, जसले चल सम्पत्तिको धितोमा हुने कारोबारलाई सुरक्षित, व्यवस्थित, र पारदर्शी बनाउनेछ।
चितवन जिल्लामा आइतबार बिहान दुई घण्टाभित्रै बस र मिनी ट्रक दुर्घटना भएका छन्। पहिलो दुर्घटनामा २५ जना यात्रु घाइते भए भने, दोस्रो दुर्घटनामा १९ खसी-बोका मरेका छन्।
रौतहटमा सरस्वती माताको मूर्ति वाग्मती नदीमा सेलाउने क्रममा बेपत्ता भएका २२ वर्षीय सुरज यादवको शव बुधबार बिहान फेला परेको छ। सुरक्षाकर्मी र स्थानीयको खोजी प्रयासपछि माछा मार्ने जाल प्रयोग गरी उनको शव निकालिएको हो।
बाँकेमा ३६ हजार ९५० किशोरी तथा बालिकालाई पाठेघरको मुखको क्यान्सरविरुद्धको एचपिभी खोप लगाइने भएको छ। पहिलो चरणमा नेपालगञ्ज, कोहलपुर, खजुरा, र जानकीका २२ हजार ५८९ किशोरीलाई माघ २२ देखि फागुन १ गतेसम्म खोप लगाइनेछ भने दोस्रो चरणमा बाँकी क्षेत्रका १२ हजार ३६१ किशोरीलाई खोप दिने योजना छ।
झापाको कनकाई नगरपालिका–१ जुके कल्भर्टमा भएको मोटरसाइकल दुर्घटनामा ५० वर्षीय हरिप्रसाद सिटौलाको मृत्यु भएको छ। अनियन्त्रित भई डाइभर्सनमा ठोक्किएपछि गम्भीर घाइते भएका सिटौलालाई उपचारका लागि अस्पताल लगिएको थियो, जहाँ चिकित्सकहरूले उनलाई मृत घोषित गरे।
सर्लाहीको लालबन्दीमा प्रहरीले ११० केजी गाँजा बरामद गरेको छ। कालिन्जोर खोलाको काँसघारीमा लुकाइ राखिएको अवस्थामा फेला परेको उक्त गाँजा लागुऔषध नियन्त्रण ब्युरो र प्रहरीको संयुक्त टोलीले बरामद गरेको हो।
बर्दिबास-१० खयरमारा मुसहर टोलकी ६५ वर्षीया दुलारी सदा मुसहरको जीवनमा फेरि उज्यालो फर्किएको छ। मोतियाविन्दुले आँखा ढाकिएपछि १० वर्षदेखि अँध्यारोमा बिताइरहेकी उनले निशुल्क शल्यक्रियापछि पुनः देख्न सक्ने आशा राखेकी छन्। बर्दिबास आँखा अस्पताल र इम्प्रुभिंग लाइभ्स इन नेपालको पहलमा आयोजित निशुल्क शिविरमा १०० जना अत्यन्त गरिब परिवारका व्यक्तिहरूले मोतियाविन्दु हटाउने शल्यक्रिया गराएका छन्। यस कार्यक्रमले बर्दिबासका मुसहर, यादव, र अन्य सीमान्तकृत समुदायका मानिसहरूलाई उज्यालो संसार फर्काइदिएको छ।
