आवाज बिहिनहरुको आवाज
काठमाडौं र भक्तपुरका विभिन्न स्थानमा लुटपाटमा संलग्न भएको आरोपमा नेपाली सेनाले २१ जनालाई पक्राउ गरेको छ। पक्राउ परेकामध्ये भाटभटेनी, होटल हायात, बौद्ध र राष्ट्रिय वाणिज्य बैंक लुटपाटमा संलग्न रहेको बताइएको छ।
प्रधानमन्त्री केपी शर्मा ओलीले नेपाली युवाहरूको चौतर्फी विकासका लागि सरकार हरसम्भव सहयोग गर्न प्रतिबद्ध रहेको बताएका छन्। उनले सैनिक मञ्च टुँडिखेलमा आयोजित राष्ट्रिय सेवा दल (एनसीसी) को दीक्षान्त कवाज कार्यक्रममा युवाहरूलाई अनुशासित, देशभक्त र जिम्मेवार नागरिक बन्न प्रेरित गरे। कार्यक्रममा नेपाल सरकारका उच्च पदस्थ अधिकारीहरूको उपस्थिति रहेको थियो।
रुकुमपश्चिमको त्रिवेणी गाउँपालिका–६ स्थित नेपाली सेनाको ब्यारेज नजिकै बम फेला परेको छ। सुरक्षाकर्मीले घटनास्थल सुरक्षित गरी डिस्पोजल टोली परिचालन गरेको छ।
रक्षामन्त्री मानवीर राईले सैनिक सामग्री खरिद, ब्यारेक निर्माण तथा फास्ट ट्र्याक निर्माण लक्ष्यअनुसार अघि बढिरहेको र गुणस्तर कायम गर्न कुनै सम्झौता नगर्ने बताएका छन्।
काभ्रेपलाञ्चोकको श्यामसुन्दर फर्निचरमा भीषण आगलागीबाट ७० वर्षीया टीकादेवी दङ्गालको मृत्यु र करिब ९० लाख रुपैयाँको क्षति भएको छ। नेपाली सेना, प्रहरी, र स्थानीयको सहयोगमा पाँचवटा दमकल प्रयोग गरी आगो नियन्त्रणमा लिइएको थियो।
कर्णाली प्रदेशको महत्वपूर्ण आयोजना भेरी करिडोर सडक स्तरोन्नतिका लागि अर्थ मन्त्रालयले ४ अर्ब २० करोड बजेट सुनिश्चित गरेको छ। जाजरकोटको तल्लुदेखि डोल्पाको त्रिपुराकोटसम्म सडक सुधार गरिनेछ भने पुल निर्माणका लागि पनि बजेटको तयारी भइरहेको छ।
प्रधान सेनापति प्रभूराम शर्माले बलाधिकृत रथी अशोकराज सिग्देललाई कार्यभार हस्तान्तरण गर्दै, नेपाली सेनाको ४५औँ प्रधान सेनापति चयन गरेका छन्। सिग्देलले आफ्नो लामो सैन्य अनुभव र उच्च व्यावसायिक क्षमताका साथ यो महत्त्वपूर्ण जिम्मेवारी सम्हाल्दैछन्।
नेपाली सेनाको चारआलीस्थित अरिदमन गणले कनकाई-३ सुरुङ्गास्थित पशुपति इङलिस सेकेन्डरी स्कुलका विद्यार्थीहरुलाई विपद व्यवस्थापन र सर्पदंश सम्बन्धी जानकारी दिने कार्यक्रम सम्पन्न गरेको छ। मनसुनको सुरुवातसँगै विद्यालयमा ३०० जनाको उपस्थिति रहेको उक्त कार्यक्रममा विभिन्न अभ्यास र प्रशिक्षण गराइएको थियो।
शान्ति प्रयास’ अभ्यासमा २२ राष्ट्रका सेना सहभागी हुने
