आसिफ सेख

नेपाली क्रिकेट टिमका ओपनिङ ब्याट्सम्यान आसिफ सेख नेपाली टिमबाट एक हजार टी-ट्वेन्टी रन पूरा गर्ने खेलाडीमा पर्छन्। वीरगन्जबाट उदाएका आसिफले सुरुआती दिनमा नारायणी रंगशालामा दाजु आरिफसँगै क्रिकेट खेल्न थालेका थिए। सन् २०१२ मै अन्डर सिक्सटिनको एलिट कपमा छनोट भएका आसिफले सन् २०१७ को इमर्जिङ टिम्स एसिया कपमा नेपालको कप्तानी गरेका थिए। तीन वर्षअघि कीर्तिपुरको क्रिकेट मैदानमा नेदरल्यान्डसँग सिरिज खेल्दै टी-ट्वेन्टी आईमा डेब्यु गरेका आसिफले डेब्युमै अर्धशतक प्रहार गरेका थिए।