धनगढी र तराईका भूभागमा उखरमाउलो गर्मीका कारण सामान्य जनताको जीवन प्रभावित भएको छ। गर्मीका कारण सर्वसाधारणलाई दैनिक कामकाजका साथै हिँडडुल गर्नसमेत सकस भएको छ।
मजदुरी गरेर गुजारा गर्नुपर्नेहरू झनै प्रभावित बनेका छन्। तातो हावाका कारण मध्याह्नको समयमा चल्ने लोगहरूको जीवनमा सामान्य चहलपहल पनि कम भएको छ।
अत्यधिक तापक्रम र तातो हावाका कारण सडकमा उड्ने धुलो र अनियमित विद्युत्कै कारण पनि सर्वसाधारणले सास्ती भोग्नु परेको छ। गर्मीबाट सबैभन्दा बढी बालबालिका र ज्येष्ठ नागरिक प्रभावित भएका छन्।
आगामी दुई दिन अत्यधिक गर्मी हुने र तातो हावा चल्ने जोखिम रहेको जनाउँदै जल तथा मौसम विज्ञान विभागले सावधानी अपनाउन अनुरोध गरेको छ।
