आवाज बिहिनहरुको आवाज
निर्देशक दीपेन्द्र लामाको यौन स्वास्थ्यमा आधारित चलचित्र ‘दुःखी आत्मा’ फागुन २ गते प्रदर्शनमा आउँदैछ। मनोरञ्जनात्मक प्रस्तुतीकरणमा गम्भीर सामाजिक सन्देश समेटिएको चलचित्रले दर्शकलाई फरक अनुभूति दिनेछ।
माओवादी केन्द्रका महासचिव देवप्रसाद गुरुङले दुई दलीय अभ्यास स्वीकार्य नहुने बताएका छन्। तमु राष्ट्रिय मुक्ति मोर्चाको विस्तारित बैठकले आगामी फागुन १० गते राष्ट्रिय भेला पोखरामा गर्ने निर्णय गरेको छ।
महाकाली नदीमा निर्माणाधीन चारलेन पुलको निरीक्षण गृहमन्त्री र भौतिक पूर्वाधारमन्त्रीले गरेका छन्। भेरियेसन समस्या र बाँध भत्किँदा निर्माण प्रभावित भएको छ।
मधेश प्रदेश सरकारले शहीदहरूको सम्मानमा शनिवार जनकपुरस्थित जानकी मन्दिरमा एक लाख दीप प्रज्वलन गर्ने भएको छ। साथै, शहीद परिवारका लागि अभिनन्दन कार्यक्रमको आयोजना गरिनेछ।
कर्णाली प्रदेशको महत्वपूर्ण आयोजना भेरी करिडोर सडक स्तरोन्नतिका लागि अर्थ मन्त्रालयले ४ अर्ब २० करोड बजेट सुनिश्चित गरेको छ। जाजरकोटको तल्लुदेखि डोल्पाको त्रिपुराकोटसम्म सडक सुधार गरिनेछ भने पुल निर्माणका लागि पनि बजेटको तयारी भइरहेको छ।
सगरमाथा क्षेत्रमा व्यावसायिक हेलिकप्टर उडान रोकिएपछि वायुसेवा कम्पनीहरूले असन्तुष्टि जनाउँदै हवाईजहाज उडान पूर्ण रूपमा रोक्ने चेतावनी दिएका छन्। स्थानीय तहको निर्णयका कारण पर्यटन क्षेत्रमा असर पर्ने चिन्ता व्यक्त गरिएको छ।
नेपालमा पाँच महिनाभित्र १,११६ आगलागीका घटना भएका छन्, जसमा १६ जनाले ज्यान गुमाएका छन्। प्रहरीका अनुसार आगलागीबाट १९० घर, १३० गोठ, १ सरकारी कार्यालय र ४५५ पशुचौपायामा क्षति पुगेको छ। यसबाट करिब ५० करोड रुपैयाँको आर्थिक नोक्सानी भएको छ।
नेपाल सरकारले एकैपटक ५ वटा अध्यादेश जारी गर्न राष्ट्रपति रामचन्द्र पौडेलसमक्ष सिफारिस गरेको छ। मन्त्रिपरिषद्को बैठकले सुशासन, आर्थिक सुधार, लगानी प्रवर्द्धन, वित्तीय उत्तरदायित्व र भूमि व्यवस्थापनसम्बन्धी अध्यादेशहरू जारी गर्ने निर्णय गरेको हो।
मलेसियामा जारी यु-१९ महिला टी-२० विश्वकपको अभ्यास खेलमा नेपाल वेष्ट इन्डिजसँग ९ रनले पराजित भएको छ। वेष्ट इन्डिजले दिएको ११० रनको लक्ष्य पछ्याउने क्रममा नेपाल १०० रनमै समेटियो। नेपालले अब दोस्रो अभ्यास खेल अमेरिकासँग माघ २ गते खेल्नेछ।
परराष्ट्रमन्त्री आरजु राणा देउवाले हमासको नियन्त्रणमा रहेका नेपाली विद्यार्थी विपिन जोशी सकुशल रहेको र चाँडै फिर्ता आउने विश्वास व्यक्त गरेकी छन्। उनले विपिनको रिहाइका लागि नेपाल सरकारले कूटनीतिक पहल गरिरहेको बताइन्।
