आवाज बिहिनहरुको आवाज
हरिवनमा नेपाल नेत्र ज्योति संघद्वारा सञ्चालित निःशुल्क शिविरमा ९१ वर्षीय नरबहादुर खड्कालगायत १७५ जनाले आँखाको ज्योति पुनः प्राप्त गरेका छन्। शिविरमा १,०३७ जनाले परीक्षण गराएका थिए भने २७० जना मोतियाविन्दुका बिरामी पहिचान भएका थिए।
बर्दगोरिया गाउँपालिकाले निःशुल्क शववाहन सेवा सुरु गर्दै विपन्न परिवारलाई अन्त्येष्टि खर्चका लागि आर्थिक राहत प्रदान गर्न थालेको छ।
बर्दिबास-१० खयरमारा मुसहर टोलकी ६५ वर्षीया दुलारी सदा मुसहरको जीवनमा फेरि उज्यालो फर्किएको छ। मोतियाविन्दुले आँखा ढाकिएपछि १० वर्षदेखि अँध्यारोमा बिताइरहेकी उनले निशुल्क शल्यक्रियापछि पुनः देख्न सक्ने आशा राखेकी छन्। बर्दिबास आँखा अस्पताल र इम्प्रुभिंग लाइभ्स इन नेपालको पहलमा आयोजित निशुल्क शिविरमा १०० जना अत्यन्त गरिब परिवारका व्यक्तिहरूले मोतियाविन्दु हटाउने शल्यक्रिया गराएका छन्। यस कार्यक्रमले बर्दिबासका मुसहर, यादव, र अन्य सीमान्तकृत समुदायका मानिसहरूलाई उज्यालो संसार फर्काइदिएको छ।
