आवाज बिहिनहरुको आवाज
कांग्रेस सांसद डा. सुनिल शर्माले डा. शेखर कोईरालाको पक्षमा हाल पार्टीमा ६० प्रतिशत सांसद रहेको दाबी गरेका छन्। उनले सरकारमा रहेका शेखर पक्षीय मन्त्रीहरूलाई फिर्ता बोलाउने विषयमा छलफल भएको र अर्को बैठकबाट निर्णय हुने बताए।
नेपाली काङ्ग्रेसका महामन्त्री गगन थापाले माओवादी केन्द्रका अध्यक्ष पुष्पकमल दाहाल प्रचण्डको कार्यशैलीका कारण कांग्रेसलाई प्रतिपक्षमा बस्ने इच्छा बदल्नुपरेको स्पष्ट पारेका छन्। भोजपुरमा आयोजित एक कार्यक्रममा थापाले प्रचण्डको दोहोरो व्यवहारले दुई पार्टीको अध्यक्षहरू टाढिएको र नयाँ सरकार निर्माण भएको बताएका छन्। अबको दुई वर्ष वर्तमान सरकार चल्ने र त्यसपछि १८ महिना कांग्रेसको सरकार चल्ने समझदारी रहेको उनले बताए।
