व्यास नगरपालिकाको पराशर मार्ग स्तरोन्नति सुस्त गतिमा, स्थानीय असन्तुष्टि बढ्दै
व्यास नगरपालिकाका चार वडालाई जोड्ने पराशर मार्गको स्तरोन्नति सुस्त गतिमा अघि बढेको छ। १० दशमलव ५५ किलोमिटर दूरीको यो परियोजनाको भौतिक प्रगति ९.१३ प्रतिशत र वित्तीय प्रगति ७.४६ प्रतिशतमा सीमित छ। २०८२ असारभित्र सम्पन्न गर्ने लक्ष्य राखिएको यो सडकले स्थानीय यातायात र व्यापारमा सुधार ल्याउने अपेक्षा गरिएको छ।
