आवाज बिहिनहरुको आवाज
भौतिक पूर्वाधार मन्त्री देवेन्द्र दाहालले सार्वजनिक कर्मचारीलाई कानुनी अधिकारको प्रभावकारी प्रयोग गर्दै विकासका कार्यमा सक्रिय रहन निर्देशन दिएका छन्। उनले द्रुत मार्ग, सुरुङ मार्ग, र बाढी प्रभावित क्षेत्रको मर्मतजस्ता महत्वपूर्ण प्रगतिहरूको विवरण प्रस्तुत गरे।
महाकाली नदीमा निर्माणाधीन चारलेन पुलको निरीक्षण गृहमन्त्री र भौतिक पूर्वाधारमन्त्रीले गरेका छन्। भेरियेसन समस्या र बाँध भत्किँदा निर्माण प्रभावित भएको छ।
कर्णाली प्रदेशको महत्वपूर्ण आयोजना भेरी करिडोर सडक स्तरोन्नतिका लागि अर्थ मन्त्रालयले ४ अर्ब २० करोड बजेट सुनिश्चित गरेको छ। जाजरकोटको तल्लुदेखि डोल्पाको त्रिपुराकोटसम्म सडक सुधार गरिनेछ भने पुल निर्माणका लागि पनि बजेटको तयारी भइरहेको छ।
प्रधानमन्त्री केपी शर्मा ओलीले काठमाडौँ–तराई/मधेस द्रूतमार्गको सुरुङ निर्माणलाई नेपालमा नयाँ युगको सुरुवात भनेका छन्। उहाँले द्रुतमार्गलाई विकासको नमुना बताउँदै परियोजना समयमै सम्पन्न गर्ने निर्देशन दिनुभयो। परियोजनाअन्तर्गत छवटा सुरुङ, ८९ पुल, र ७०.९७७ किमी लामो सडक निर्माण भइरहेको छ।
