आवाज बिहिनहरुको आवाज
मधेस प्रदेशका मुख्यमन्त्री सतिशकुमार सिंहले ८ जना राज्यमन्त्रीलाई बर्खास्त गरेका छन्, जसमा नेकपा (एमाले), नेपाली कांग्रेस, जनमत, र लोसपाका प्रतिनिधिहरू समावेश थिए। यस निर्णयपछि प्रदेश सरकारमा राज्यमन्त्रीहरूको संख्या घटेको छ।
नेपाली कांग्रेसले दलका प्रमुख सचेतक जन्मजय तिमिल्सिनाको नेतृत्वमा लुम्बिनी सरकारमा सहभागिता जनाउने निर्णय गरेको छ। लुम्बिनीमा कांग्रेसले पाँच जना नयाँ मन्त्री पठाउने भएको छ।
राष्ट्रिय प्रजातन्त्र पार्टीका अध्यक्ष राजेन्द्र लिङ्देनले हत्या भएका सर्लाहीका पूर्वराज्यमन्त्री रामचन्द्र रायको शवमा पार्टीको झण्डा ओढाएर श्रद्धाञ्जलि व्यक्त गरेका छन्। रायको हत्या चन्द्रनगरस्थित फार्म हाउसमा भएको थियो।
वागमती प्रदेशमा बहादुरसिंह लामा नयाँ मुख्यमन्त्रीमा नियुक्त भएका छन्। नेपाली कांग्रेस र एमालेको समर्थनमा लामालाई मुख्यमन्त्री नियुक्त गरिएको हो।
नेपाली कांग्रेसका वरिष्ठ नेता डा. शेखर कोइरालाले संविधानमा १० वर्षमा पुनरावलोकन वा परिमार्जन गर्नुपर्ने संवैधानिक बाध्यता रहेको बताएका छन्। उनले भ्रष्टाचार नियन्त्रण र सुशासनलाई पनि प्राथमिकतामा राख्नुपर्ने बताए।
वागमती प्रदेशमा नेपाली कांग्रेस र नेकपा एमालेबीच मन्त्रालय भागबण्डा टुंगिएको छ। कांग्रेसले मुख्यमन्त्रीसहित ७ र एमालेले ६ वटा मन्त्रालय लिने सहमति भएको छ। बहादुरसिं लामा मुख्यमन्त्रीमा दावी पेश गर्ने तयारीमा छन्।
प्रधानमन्त्री केपी ओलीले आज प्रतिनिधिसभा बैठकमा सांसदको प्रश्नको जवाफ दिने कार्यक्रम रहेको छ ।प्रतिनिधिसभाको बैठक आज अपरान्ह १ बजे बोलाइएको छ ।
नेपाली कांग्रेस केन्द्रीय कार्यसमितिको बैठक साउन २३ गते
नेपाल कम्युनिष्ट पार्टी (एमाले) का अध्यक्ष केपी शर्मा ओलीले संविधानको कार्यान्वयनको प्रक्रियामा आवश्यकता अनुसार संशोधन गर्दै जानुपर्ने बताएका छन्। उनले नेपाली कांग्रेससँग यस विषयमा छलफल भएको तर कुनै सहमति नभएको स्पष्ट पारे। ओलीले प्रदेशहरूमा महिना–महिनामा सरकार फेरिने स्थितिप्रति चिन्ता व्यक्त गर्दै निजी र दलगत स्वार्थका विरुद्ध कांग्रेस–एमाले मिलेर काम गरिरहेको बताए। उनले उद्यमशीलता, कृषिमा आधारित उद्योग, व्यावसायिकता, आधुनिकीकरण र यान्त्रिकीरणमा ध्यान दिनुपर्ने आवश्यकतामा जोड दिए। साथै, ओलीले शिक्षालाई व्यवहारमुखी बनाउँदै कृषि क्षेत्रको विकासका लागि विशेष कार्यक्रम बनाउनु पर्ने आवश्यकता औंल्याए।
प्रधानमन्त्री पुष्पकमल दाहालले विदेशमा रहेका नेपालीको हितरक्षाका लागि नियोगको परराष्ट्र मन्त्रालय र विदेशस्थित नेपाली कूटनीतिक नियोगको क्षमता अभिवृद्धि गर्नुपर्ने बताएका छन्।
आज प्रधानमन्त्री तथा मन्त्रिपरिषद्को कार्यालय सिंहदरबारमा भएको परराष्ट्र मन्त्रालय तथा अन्तर्गतका निकायको सङ्गठन तथा व्यवस्थापन सर्वेक्षणको प्रस्तुतीकरणसम्बन्धी छलफलमा प्रधानमन्त्रीले उक्त कुरा बताएका हुन्।
