आवाज बिहिनहरुको आवाज
साउन ४ गते काभ्रेको भुम्लु गाउँपालिका–८ पौवा नजिकै काठमाण्डौ जाँदै गरेको यात्रुबाहक बस ब्रेक फेल भई सडकको भित्तामा ठोक्किएको छ। बसमा सवार ३२ जनामध्ये ७ जना घाइते भएका छन्, जसलाई धुलिखेल अस्पतालमा उपचारका लागि लगिएको छ।
काभ्रेपलाञ्चोकको श्यामसुन्दर फर्निचरमा भीषण आगलागीबाट ७० वर्षीया टीकादेवी दङ्गालको मृत्यु र करिब ९० लाख रुपैयाँको क्षति भएको छ। नेपाली सेना, प्रहरी, र स्थानीयको सहयोगमा पाँचवटा दमकल प्रयोग गरी आगो नियन्त्रणमा लिइएको थियो।
सिन्धुलीको गोलन्जोर गाउँपालिका ७ मा बिहीबार अपराह्न बीपी राजमार्गमा भएको बस दुर्घटनामा ग्लोबल आईएमई बैंकका २५ जना कर्मचारी घाइते भएका छन्। महोत्तरीको बर्दिवासबाट काठमाडौंतर्फ जाँदै गरेको बाग्मती प्रदेश ०१० प ०१ – १७३२ नम्बरको पर्यटक बस दुर्घटनाग्रस्त भएको हो। गम्भीर घाइतेलाई खुर्कोट र धुलिखेल अस्पताल पठाइएको छ।
