आवाज बिहिनहरुको आवाज
नेपालमा पश्चिमी वायुको आंशिक प्रभाव देखिएको छ। कोशी, गण्डकी र कर्णाली प्रदेशका पहाडी भेगमा आंशिक बदली छ भने उच्च पहाडी क्षेत्रमा हल्का हिमपातको सम्भावना छ। मध्य र पूर्वी तराईका भू-भागमा घना कुहिरो लाग्न सक्ने भएकाले सतर्कता अपनाउन मौसम विभागले आग्रह गरेको छ।
हाल देशमा पश्चिमी वायुको सामान्य प्रभाव रहेको जल तथा मौसम विज्ञान विभाग, मौसम पूर्वानुमान महाशाखाले जनाएको छ। कोशी प्रदेश, लुम्बिनी प्रदेशसहित पहाडी भू-भागमा आंशिक बदली रहे पनि अन्य क्षेत्रको मौसम मुख्यतः सफा रहेको छ।
सोलुखुम्बुस्थित तेन्जिङ हिलारी विमानस्थल लुक्लामा मौसम खराबीका कारण हवाई उडान ठप्प भएको छ। कुहिरोले ढाकिएको रनवे र कमजोर भिजिबिलिटीका कारण गत जेठ २६ गतेदेखि यहाँ कुनै पनि जहाजले उडान भर्न सकेको छैन। यसका कारण खुम्बु भ्रमणमा आएका पर्यटकहरू समस्यामा परेका छन्। निकट भविष्यमा मौसम खुल्ने सम्भावना कम भएकाले उडान अझै केही दिन प्रभावित रहने देखिन्छ।
