आवाज बिहिनहरुको आवाज
सङ्घीय संसद्अन्तर्गत आज चारवटा संसदीय समितिको बैठक बस्दै छ । बिहान १० बजे बस्ने कानुन, न्याय तथा मानव अधिकार समितिको बैठकमा नेपाल कानुन व्यवसायी परिषद् (दोस्रो संशोधन) विधेयक, २०८१ को सम्बन्धमा नेपाल कानुन आयोगसँग छलफल हुनेछ ।
काठमाडौँ महानगरपालिकाकी उपप्रमुख सुनिता डङ्गोलले संयमता, सहकार्य र संवैधानिक मर्यादाभित्र रहेर समयमै बजेट ल्याउन सबै जनप्रतिनिधिलाई अपिल गरेकी छन्।
उपप्रधानमन्त्री एवं गृहमन्त्री रवि लामिछानेलाई निलम्बन गर्न माग गर्दै सर्वोच्च अदालतमा रिट दायर भएको छ। अधिवक्ता अनुपम भट्टराईले लामिछानेमाथि सहकारी ठगीको आरोप रहे पनि महान्यायाधिवक्ता कार्यालयले ‘क्लिन चिट’ दिएको भन्दै रिट दर्ता गराएका हुन्। रिटमा लामिछानेले धारण गरेको जिम्मेवारीले अनुसन्धान प्रक्रियामा प्रतिकूल प्रभाव पार्ने र प्राकृतिक न्यायको सिद्धान्तविपरीत रहेको उल्लेख गरिएको छ। सर्वोच्च अदालतले यसअघि अस्विकार गरेको रिटलाई न्यायाधीश टेकप्रसाद ढुंगानाको आदेशपछि सोमबार दर्ता गरिएको हो।
