बागमती प्रदेशमा ट्राफिक प्रहरीले सवारी दुर्घटना न्यूनीकरण गर्न विशेष अभियान चलाएको छ। चालु आर्थिक वर्षको १० महिनामा १,८४,३१६ सवारी चालकलाई कारबाही गरी १४ करोड ३३ लाख ६४ हजार रुपैयाँ राजस्व सङ्कलन भएको छ।
सिसीटिभी र रडार गनबाट सवारी साधनको गति निगरानी गरिएको छ। यो अवधिमा १,१७६ सवारी दुर्घटनामा २६१ जनाको मृत्यु भएको र २,५८६ जना घाइते भएका छन्। गत वर्ष २,९१,२९३ सवारी चालकलाई कारबाही गरी २६ करोड ३६ लाख ८३ हजार पाँच सय रुपैयाँ राजस्व सङ्कलन भएको थियो।
उक्त आवमा एक हजार तीन सय ६२ सवारी दुर्घटनामा तीन सय चार जनाको मृत्यु भएको थियो । आव २०७८÷७९ मा दुई लाख ५० हजार नौ सवारी साधनमाथि कारबाही गरी रु दुई करोड ४१ लाख ७० हजार राजस्व सङ्कलन गरेको थियो ।
