आवाज बिहिनहरुको आवाज
सर्लाहीको लालबन्दी नगरपालिका–९ मा आज बिहान गाडीको ठक्करबाट एउटा निलगाई मरेको छ।
डिभिजन वन कार्यालय नजिक नवलपुरबाट लालबन्दीतर्फ आउँदै गरेको प्रदेश ३-०१-०२२ च. ३७४९ नम्बरको कारले निलगाईलाई ठक्कर दिँदा सो घटना भएको हो।
सप्तरीमा डिजेल बोकेको ट्यांकरले मोटरसाइकललाई ठक्कर दिँदा दुईजनाको मृत्यु भएको छ। मृतकमध्ये महेश कुमार मेहताको घटनास्थलमै र जयप्रकाश मेहताको उपचारको क्रममा मृत्यु भएको प्रहरीले जनाएको छ। ट्यांकर चालक मिथलेश यादव घाइते छन्।
सप्तरीमा कंचनरूप नगरपालिका-१ बरमझियास्थित सडकमा यात्रुबहाक बसको ठक्करबाट २७ वर्षीय उमेश मुखियाको मृत्यु भएको छ। काकरभिट्टाबाट वीरगन्जतर्फ जाँदै गरेको बसले ठक्कर दिएपछि गम्भीर घाइते भएका मुखियालाई गजेन्द्र नारायण सिंह अस्पतालमा उपचारका क्रममा निधन भएको हो। बस चालकलाई प्रहरीले नियन्त्रणमा लिई घटनाको अनुसन्धान गरिरहेको छ।
महोत्तरी जिल्लामा एउटा दुखद दुर्घटना घटेको छ । महोत्तरीमा मोटरसाइकलको ठक्करबाट दुर्घटना वृद्ध साइकल यात्रीको ज्यान गएको छ। बर्दिवास-जलेश्वर सडक खण्डमा पर्ने औरही नगरपालिका-१ को औरही बजार चोकभन्दा करिब १५० मिटर उत्तरमा यो दुर्घटना भएको हो। ज १२ प ८८३५ नम्बरको मोटरसाइकलले तीव्र गतिमा साइकल यात्रीलाई ठक्कर दिँदा ७० वर्षीय इस्लाम अन्सारीको मृत्यु भएको हो।साइकल…
सिन्धुलीको फिक्कलमा आज बिहान भएको मोटरसाइकल दुर्घटनामा प्रहरी असई र हवल्दारको दुखद निधन भएको छ। दुर्घटना मोटरसाइकल अनियन्त्रित भई भएको बताइएको छ। प्रहरी चौकी रत्नावतीबाट प्रदेश ३-०२-००१ ब ४७९ नम्बरको मोटरसाइकलमा नियमित गस्तीमा खटिएका कमला नगरपालिका-९ का प्रहरी सहायक निरीक्षक (असई) रवीन्द्रकुमार ठाकुर र सोही मोटरसाइकलमा सवार भिमादनगरपालिका-७ तनहुँका प्रहरी सहायक हवल्दार सूर्यकुमार श्रेष्ठको मृत्यु भएको हो। जिल्ला प्रहरी कार्यालय सिन्धुलीका प्रमुख, प्रहरी उपरीक्षक गोविन्दराज काफ्लेका अनुसार सोल्पाडाँडाबाट गस्ती गरेर पुनः प्रहरी चौकी रत्नावतीतर्फ फर्कने क्रममा अपराह्न ४ बजे मोटरसाइकल अनियन्त्रित भएर सडकबाट ५० मिटर तल खसेको थियो। सहायक निरीक्षक ठाकुरको घटनास्थलमै मृत्यु भएको थियो भने गम्भीर घाइते हवल्दार श्रेष्ठलाई काठमाडौंको नेपाल प्रहरी अस्पतालमा ल्याइएकामा अस्पतालले मृत घोषणा गरेको थियो।
मंगलबार बिहान ललितपुरको सानेपामा भएको मोटरसाइकल दुर्घटनामा २४ वर्षीय विजय घिसिङको मृत्यु भएको छ भने ३७ वर्षीय सञ्जय कुमार घिसिङ गम्भीर घाइते भएका छन्। दुर्घटना चक्रपथमा स्टार अस्पताल अगाडि भएको थियो। घाइते सञ्जयको ट्रमा सेन्टरमा उपचार भइरहेको छ भने प्रहरी घटनाको अनुसन्धानमा जुटेको छ।
सर्लाहीको बसबरिया गाउँपालिका-१ मा शनिबार साँझ ट्याक्टरले मोटरसाइकल सवार ३० वर्षीय सुरेश कुमार सिंहलाई किचेर मृत्यु भएको छ। प्रहरीद्वारा ट्याक्टर र चालक राम अवतार साहलाई नियन्त्रणमा लिई घटनाबारे अनुसन्धान भइरहेको छ।
ललितपुरमा एक युवकको मृत्यु हुने घटनामा, गाडीले मोटरसाइकलमा सवार थिएको व्यक्तिलाई ठक्कर दिएको थियो। उद्धार गरिएको युवकलाई अस्पतालमा मृत्यु घोषित भएपछि, प्रहरीले गाडीको पर्खाइ गर्ने प्रक्रियामा छन्।
