काठमाडौँ: सार्वजनिक कार्यालय र अस्पताल टीकापुरमा स्तनपानकक्षको अभावले आमाहरूलाई ठूलो असुविधा भइरहेको छ। गत शुक्रबार वीरमा गुरुङ र उहाँकी बुहारी टीकापुरस्थित इलाका प्रशासन कार्यालयमा दूधपिउने बच्चासहित जानुभएको थियो।
स्तनपानकक्ष नभएकोले, बुहारीले पाँच घण्टासम्म नातिनीलाई दूध खुवाउन सक्नुभएन, जसले गर्दा पीडा भयो। त्यसैगरी, चार महिनाको बच्चासहित टीकापुर अस्पताल पुगेकी रीमा थापाले पनि लामो लाइन र स्तनपानकक्षको अभावका कारण बच्चालाई सहज रूपमा दूध खुवाउन नसक्दा समस्या भोग्नुपरेको थियो।
पोषण विज्ञहरूका अनुसार आमाको दूध शिशुका लागि विशेष गरी पहिलो छ महिनामा अनिवार्य मानिन्छ। महिला स्वास्थ्य स्वयंसेविका मीना टमटाका अनुसार, शिशुलाई २४ घण्टामा १० देखि १२ पटकसम्म दूध खुवाउनुपर्छ। उचित स्तनपानको व्यवस्था नभएको अवस्थामा आमाको र बच्चाको स्वास्थ्यमा विभिन्न समस्याहरू देखा पर्न सक्छ।
सत्ती सहरी स्वास्थ्य केन्द्रका जनस्वास्थ्य निरीक्षक हिमाल सारुमगरले स्तनपान गराउन सहज वातावरण आवश्यक भएको बताउँदै कार्यालय, संघसंस्था र घरमा पनि स्तनपानकक्षको व्यवस्था गर्नुपर्नेमा जोड दिनुभएको छ। हाल टीकापुर नगरपालिकाको कार्यालय र विजय नगर सहरी स्वास्थ्य केन्द्रमा स्तनपानकक्ष भए पनि ती फाट्टफुट्ट मात्र प्रयोग हुने गरेको स्वास्थ्य शाखा प्रमुख बलबहादुर रावलले बताउनुभयो।
टीकापुर नगरपालिकाका प्रमुख रामलाल डगौरा थारूले भने, टीकापुरमा स्तनपानकक्षको अभावले आमाहरूलाई असुविधा भए पछि पुराना भवनमा स्तनपानकक्ष नभए पनि नयाँ भवनमा स्तनपानकक्षको व्यवस्था गरिने प्रतिबद्धता व्यक्त गर्नुभएको छ।
