हेटौँडा : मकवानपुरको सिस्नेरीमा यात्रुवाहक टाटासुमो दुर्घटना हुँदा १० जना घाइते भएका छन्।
कुलेखानी–सिस्नेरी-काठमाडौँ सडकखण्डअन्तर्गत इन्द्रसरोवर गाउँपालिका–३ सिस्नेरीमा अनियन्त्रित भइ सुमो पल्टिएको जिल्ला प्रहरी कार्यालय मकवानपुरले जनाएको छ।
आज शनिबार बिहान ७ः२० बजे काठमाडौँबाट वीरगन्जतर्फ जाँदै गरेको मधेश प्रदेश ०३–००१ ज ०३६२ नम्बरको सुमो अनियन्त्रित भई सडकको नालामा पल्टिएको प्रहरीले जनाएको छ।
दुर्घटनामा चालकसहित १० जना घाइते भएका प्रहरीले जनाएको छ। घाइतेमध्ये ३ जना गम्भीर अवस्थामा रहेका र ७ जनाको अवस्था मध्यम रहेको छ।
उनीहरूलाई उपचारका लागी काठमाडौँ पठाएको छ। प्रहरीका अनुसार घटनास्थल प्रहरी चौकी सिस्नेबाट २ किलोमिटर उत्तरतर्फ पर्दछ।
