काठमाडौं । गायिका एलीना चौहानको स्वर रहेको तीज गीत ‘गम्किदे मादलु’ सार्वजनिक भएको छ।गीतकार लोकराज अधिकारीको शब्दमा सञ्चारकर्मीसमेत रहेका सरोज कोइरालाको संगीत रहेको छ ।
गीतमा संगीत संयोजन पुष्कर खत्रीको रहेको छ भने मिक्सीङ कृष्ण पुनले गरेका छन् ।गीत अस्ट्रेलियाको नेपमेलो स्टूडियोमा रेकर्डिङ गरिएको हो भने बाँकी काम नेपालमा रहेको म्यूजिक बैंकमा गरिएको छ ।गीतका रेर्कडिष्ट समीर आचार्य र विजय मगर रहेका छन् भने भिडियो छाँयाङकन अमेरिकामा गरिएको छ ।
किशन रेग्मीले निर्देशन गरेको गीतको छाँयाङकन राजीव आचार्य र मनोज धितालले गरेका छन भने सम्पादन राजु बस्नेतले गरेका छन्।म्यूजिक भिडियोमा कामना खरेल,सृष्टि शर्मा उप्रेती, लक्ष्मी ढुङ्गाना, सन्जु घिमिरे सङ्ग्रौला, रिना कार्की, र भूमीका ओझा लगायतका अमेरिकामा रहेका नेपाली चेलीहरूको अभिनय छ ।गीतको कोरियोग्राफी आशा ओझाले गरेकी छन् ।
तीजलाई लक्षित गरेर तीज गीतहरु सार्वजनिक भइरहेको समयमा अरु भन्दा फरक र नेपालीपन झल्कने किसिमको भएकोले गीतलाई दर्शक स्रोताले रुचाउने विशवास गरिएको छ ।म्यूजिक भिडियो रिपोटर्स क्लब अमेरिकाको युट्यूव च्यानलबाट सार्वजनिक गरिएको छ।
