काठमाडौं । नेकपा माओवादी केन्द्रका महासचिव देव गुरुङ्गले शनिबार काठमाडौंमा आयोजित पार्टीको लमजुङ काठमाडौं सम्पर्क समन्वय समितिको छैठौं भेलामा बोल्दै वर्तमान सरकारमाथि कमिसन र भ्रष्टाचारीतन्त्रको भरमा सञ्चालन भइरहेको आरोप लगाएका छन्।
उनले निवर्तमान सरकारले भ्रष्टाचार नियन्त्रण र सुशासनको अभियान सुरु गरेपछि कमिसनतन्त्रको संयन्त्रमाथि ठेस पुगेको कारण सत्ता परिवर्तनको निष्कर्षमा पुगेको बताए। गुरुङले भने, ‘अहिले कमिसन र भ्रष्टाचारीतन्त्रको भरमा सरकार सञ्चालन गर्न लागेका छन्।
अहिले विदेशी अनुहारका मान्छेहरु आएर शासन गर्ने त होइनन् भन्ने चिन्ता छ। अहिले गर्ने भनेको त कमिसन छुट्याउने मात्र हो।’
गुरुङका अनुसार माओवादी नेतृत्वको सरकारले भ्रष्टाचार र कमिसनतन्त्रको विरुद्धमा काम सुरु गर्दा कांग्रेस–एमालेका नेताहरु अत्तालिएका थिए। माओवादीले सुशासन कायम राख्न र भ्रष्टाचारलाई नियन्त्रण गर्न थालेपछि कमिसनतन्त्रको संयन्त्रमा ठेस पुग्न थालेको थियो।
उनले भने, ‘माओवादी नेतृत्वको सरकारले भ्रष्टाचार र कमिसनतन्त्रको विरुद्धमा काम थाल्यो। सुशासन कायम राख्न र भ्रष्टाचारलाई नियन्त्रण अभियान सुरु गर्न थाल्यो त्यसपछि कमिसनतन्त्रको संयन्त्रमा ठेस पुग्ने भएपछि कांग्रेस–एमालेका नेताहरु अत्तालिने थालेका हुन् अनि सरकार परिवर्तन नगरिकन हुँदैन् भन्ने निष्कर्षमा पुगे।’
महासचिव गुरुङ्ले माओवादीलाई समाप्त पार्न एमाले अध्यक्ष केपी शर्मा ओलीलाई अगाडि सारिएको आरोप पनि लगाए। उनले माओवादीलाई समाप्त गर्न पहिलेदेखि नै विभिन्न चालबाजी र योजनाहरु ल्याइएको बताए।
पहिले कांग्रेस नेता शेरबहादुर देउवालाई उभ्याएर माओवादीलाई समाप्त पार्ने प्रयास असफल भएपछि उपेन्द्र यादव, माधव नेपालको पार्टीलाई तोडफोड गरेर एमालेलाई ठूलो पार्टी बनाउन खोजिएको उनले भने।
गुरुङले वर्तमान सरकारप्रति शंका व्यक्त गर्दै भने, ‘अहिले विदेशी अनुहारका मान्छेहरु आएर शासन गर्ने त होइनन् भन्ने चिन्ता छ। अहिले गर्ने भनेको त कमिसन छुट्याउने मात्र हो।’
उनको आरोप अनुसार, अहिलेको सरकार भ्रष्टाचार र कमिसनको भरमा सञ्चालन भइरहेको छ। यसले देशको सुशासन र पारदर्शितामाथि गम्भीर असर पारिरहेको छ।
अन्त्यमा, महासचिव गुरुङले माओवादी केन्द्रले भ्रष्टाचार र कमिसनतन्त्रको विरुद्धमा निरन्तर लड्ने प्रतिबद्धता व्यक्त गरे। उनले पार्टीका कार्यकर्ताहरुलाई सुशासन कायम राख्न र भ्रष्टाचारलाई नियन्त्रण गर्न अझै सशक्त रुपमा अगाडि बढ्न आह्वान गरे।
गुरुङले भने, ‘माओवादी केन्द्रले भ्रष्टाचार र कमिसनतन्त्रको विरुद्धमा निरन्तर लड्ने छ। हामीले सुशासन कायम राख्न र भ्रष्टाचारलाई नियन्त्रण गर्न अझै सशक्त रुपमा अगाडि बढ्नुपर्छ।’
